Olımpıada chempıony atyraýlyq sportshylardyń jańa jyldyq challenge qoldaý kórsetti dep habarlaıdy Atyraý oblystyq óńirlik kommýnıkasııalar qyzmeti.
Ataqty boksshy jáne QR Parlament Májilisi depýtaty barlyq qazaqstandyq sportshylarǵa beıneúndeý joldap, Atyraýda bastalǵan jańa jyldyq estafetaǵa qatysýǵa shaqyrdy.
-Men atyraýlyq sportshylardyń chempıondyq challenge sharasyn qoldap, shyrshany medaldarymmen bezendirdim. Memleket basshysy sportty nasıhattaýdy únemi aıtyp keledi, oǵan osyndaı sharalar yqpal etedi. Estafetany barlyq sportshylarǵa joldaımyn jáne jańa jyldyq estafeta jalǵasyn tabaryna senemin,-dedi Serik Sapıev.
Aıta keteıik, alǵashqy chempıondyq shyrshany Atyraýda 24 jeltoqsanda bezendirdi. 26 jeltoqsanda estafetany Qaraǵandy oblysynyń sportshylary qabyldap, shyrshany jyl boıǵy jetistikterimen jasandyrdy. 27 jeltoqsanda challenge-di olımpıada júldegeri Serik Sapıev qoldap, medaldaryn shyrshaǵa taqty.
Atyraýlyq sportshylardy qazaqstandyq boksshy Madııar Aqsheev te qoldady. Ol Serik Sapıevtiń estafetasyn qabyldap, AQSh-tyń Los-Andjeles qalasyndaǵy shyrshalardyń birin QR memlekettik týymen bezendirdi.
Baqytgúl Babash,
"Egemen Qazaqstan"
